रकडेल ब्वाईजको आयोजनामा सिड्नीको रकडेलमा पूर्वप्रधानमन्त्री एवं नेपाली काँग्रेसका नेता सुशील कोइरालाको श्रद्धाञ्जली बिहीबार सम्पन्न भएको छ । स्थानीयवासी सहभागी उक्त कार्यक्रममा कोइरालाको नेपाली राजनीीतमा योगदान, संंविधान निर्माणमा भूमिका लगायतको चर्चा भएको थियो । उपस्थितहरुले शोक पुस्तिकामा हस्ताक्षर गर्नुका साथै स्व. कोइरालाको निम्ति एक मिनेट मौन धारण समेत गरेका थिए । कार्यक्रममा एनआरएन सल्लाहकार मन केसी, जनसम्पर्क समिति अष्ट्रेलियाका प्रेम सापकोटा लगायतले कोइरालाको निष्ठापूर्ण राजनीतिबाट सिक्ने धेरै कुरा भएको बताउनुभयो । कार्यक्रममा एनआरएन न्यूसाउथवेल्सका संयोजक दिनेश पोखरेल, सचिव भुपाल सिटौला, भिष्म भण्डारी, नयाका अध्यक्ष कोमल पाठक, व्यवसायी युवराज भट्टराई, शितल गिरी, जनसम्पर्क समिति अष्ट्रेलियाका सुरेश गुरंग, अर्जुन केसीलगायत उपस्थित थिए । रकडेल ब्वाईजका किरण बराल, रोशल घले लगायतको संयोजनमा भएको कार्यक्रममा रामचन्द्र भुसालले स्वर्गीय कोइरालाको जीवनका विषयमा जानकारी दिनुभएको थियो । कोइरालाको असामयिक निधनले अष्ट्रेलियावासी नेपालीहरु शोकमा छन् भने विभिन्न संघ संस्थाले स्व. कोइरालाको आत्माको चीर शान्तिको कामना गर्दै विभिन्न कार्यक्रम गरेका छन् ।