आगामी मार्च १२ र १३ तारिख अष्ट्रेलियाको मेलबर्नमा एमआईटी कप फुटबल प्रतियोगिता हुने भएको छ । प्रतियोगितामा मेलबर्नसहित अन्य राज्यका विभिन्न उमेर समूहका क्लबहरुले सहभागिता जनाउनेछन् । यस प्रतियोगितालाई पहिलो पटक मोरल्याण्ड काउन्सिलले मान्यता दिँदै खेल मैदानको व्यवस्था गरेको छ । प्रतियोगितासँगै क्लिफ्टन पार्क ब्रुन्सवीकमा विभिन्न मनोरञ्जनात्मक कार्यक्रम समेत आयोजना गरेर यसलाई महोत्सवकै रुप दिइने आयोजक यति फुटबल क्लबले जनाएको छ । बालबालिकाहरुको लागि फेस पेन्टिंग, फुटबल क्लिनिक, खानाका स्टलहरुसहित जम्पिंग क्यासल पनि राखिनेछ । गत पाँच वर्षदेखि आयोजना गरिँदै आएको प्रतियोगितामामा १६ टिम सहभागी बन्नेछन् । ३५ वर्षमाथिको उमेर समूहका समेत ८ टिम सहभागी हुने यस प्रतियोगिताको तयारी अहिले चलिरहेको छ ।