भारतको ओडिशामा बस दुर्घटना हुँदा २५ जनाको मृत्यु
भारतको ओडिशामा बस दुर्घटना हुँदा २५ जनाको मृत्यु भएको छ । दुर्घटनामा अन्य ११ जना गम्भीर घाइते भएका छन् ।
ओडिशाको बरगाढ रेमताबाट देवगढका लागि छुटेको बस तिलेबानी गेलोहाटमा दुर्घटनामा परेको हो । बस सडकबाट २ सय ५० फिट तल खसेको हो । घना जंगलमा बस पल्टिएकाले उद्दारमा कठिनाइ भएको प्रहरीले जनाएको छ ।
बसमा ४० जना सवार रहेका अनुमान गरिएको छ । आठ जनालाई सकुशल उद्दार गरिएको छ । घम्तीमा बस मोड्ने क्रममा दुर्घटना भएको हो ।
