अमेरिकाको ओहायोमा ८ जनाको हत्या गरिएको छ । ओहायोको ग्रामीण क्षेत्रमा मृत्युदण्डको शैलीमा ८ जनाको हत्या गरिएको सरकारी अधिकारीले बताएका हुन् ।

मारिनेमा १६ वर्षका किशोरसहित ८ जना रहेको र ती सबै एकै परिवारका सदस्य हुन सक्ने स्थानीय अधिकारीले बताएका छन् । सबैको टाउकोमा गोली हानेर हत्या गरिएको र हत्यामा संलग्न फरार रहेको सरकारी अधिकारीले बताएका छन् ।

ओहायोको साउथ अफ कोलम्बसको पिकेटनमा घटना भएको हो । घटनामा तीन बालबालिका भने बाँच्न सफल भएका छन् । कुनै एक व्यक्तिले हत्या गरेको हुन सक्ने र आरोपीको खोजी भइरहेको स्थानीय अधिकारी चार्ल्स रिडरले बताउनुभयो । हत्याको कारण तथा ज्यान जानेको पहिचान खुल्न नसकेको प्रहरीले जनाएको छ । आक्रमणकारी परिवारकै सदस्य रहे नरहेको बारे पनि केही थाहा नभएको प्रहरीको भनाइ छ ।