कञ्चनपुरको महेन्द्रनगरस्थित एक होटलमा दुई कामदारको विभत्स हत्या
कञ्चनपुरको महेन्द्रनगरस्थित एक होटलमा दुई जना कामदारको विभत्स हत्या भएको छ । संगम होटलमा कार्यरत दुई कामदारको गएराति हत्या भएको हो ।
४५ वर्षिय कृष्णसिंह विष्ट र २० वर्षिय भीम रोकायाको धारिलो हतियार प्रयोग गरी हत्या भएको प्रहरीले जनाएको छ । घटनामा ४२ वर्षिय पदमराज जोशी घाईते भएका छन् । उनको कोहलपुर मेडिकल कलेजमा उपचार भइरहेको छ ।
मृतकको शव पोस्टमार्टमका लागि महाकाली अञ्चल अस्पतालमा लगिएको छ ।
घटनास्थल बाहिर एक जोर चप्पल भेटिएको प्रहरीले जनाएको छ । घटनाबारे प्रहरीले अनुसन्धान शुरु गरिसकेको जिल्ला प्रहरी कार्यालय कञ्चनपुरका प्रहरी प्रवक्ता केदार खनालले जानकारी दिनुभयो ।
