चोरी गरिएको रकमको लोभमा आफ्नै साथीको हत्या गरेको अभियोगमा प्रहरीले एक जनालाई पक्राउ गरेको छ ।

सिन्धुपाल्चोकका बलराम ज्योतिलाई प्रहरीले काठमाडौंको दक्षिणढोकाबाट पक्राउ गरेको छ । बौद्ध तीनचुलेमा संगै कोठामा बस्ने साथी लाक्पा तामाङलाई रडले टाउकोमा प्रहार गरी हत्या गरेको आरोपमा प्रहरीले ज्योतिलाई पक्राउ गरेमने अने । सिन्धुपाल्चोक दुवाचौरका उनीहरु सात बर्षदेखि एउटै कोठामा बस्दै आएका थिए ।

वैशाख २० गते राति रक्सी खाएर चोरी गर्न निस्केका उनीहरु तीनचुलेको छहारी क्लव परिषरमा रक्सीले बेहोर भएर सुतेका मानिससँग १० हजार लुटेर भागेका थिए । पैसा लुटेर भाग्ने क्रममा नजिकै बन्दै गरेको घरबाट रडको टुक्रा लिएका ज्योतिले आरुबारीस्थित मंगलमान श्रेष्ठको खेतमा पुगेपछि साथी लाक्पालाई सोही रडले टाउकोमा प्रहार गरी हत्या गरेको प्रहरीले जनाएको छ ।

पक्राउ परेका बलराम यसअघि पनि चोरी र डाँकासम्बन्धी मुद्दामा पक्राउ पर्दै छुट्दै आएको खुलासा भएको छ ।