अमेरिकामा गायिकाको गोली हानी हत्या
अमेरिकाको फ्लोरिडा राज्यस्थित ओरल्याण्डो शहरमा एक जना गायिकाको गोली हानेर हत्या भएको छ ।
सांगीतिक कन्सर्टपछि गायिका क्रिस्टिना ग्रिमीलाई गोली हत्या गरिएको छ । कार्यक्रमपछि प्रशंसकलाई अटोग्राफ दिइरहेका बेला एक जना बन्दुकधारीले उनलाई गोली हानेको प्रहरीले जनाएको छ । २२ वर्षिया क्रिस्टिनाको उपचारका क्रममा निधन भएको हो । क्रिस्टिनाका भाईले आक्रमणकारीलाई पक्रे पनि उसले आफूलाई पनि गोली हानेर आत्महत्या गरेको थियो ।
प्रहरीले घटनाबारे अनुसन्धान शुरु गरेको छ ।
