अत्याधुनिक हतियारमा प्रयोग हुने २६ राउन्ड गोली भेटियो, कस्को हो गोली ?
कास्कीको पोखरामा अत्याधुनिक हतियारमा प्रयोग हुने २६ राउन्ड गोली बेवारिसे अवस्थामा फेला परेको छ ।
फिर्केखोला क्षेत्र सरसफाई गर्ने क्रममा बेवारिसे अवस्थामा गोली भेटिएको हो । एसएलआरमा प्रयोग हुने ७ दशमलव ६२ एमएमको २४ राउण्ड र नाईन् एमएमको ब्राउनिङ पेस्तोलमा प्रयोग हुने २ दुई राउण्ड गरी २६ थान गोली भेटिएको प्रहरीले जनाएको छ । सरसफाईका क्रममा गोली भेटिएपछि स्थानीयले प्रहरीलाई खबर गरेका थिए ।
खबर पाएलगत्तै गएको प्रहरीको टोलीले गोली नियन्त्रणमा लिएर अनुसन्धान सुरु गरेको वडा प्रहरी कार्यालय बैदामका ईञ्चार्ज प्रहरी निरीक्षक मोहनमणि अधिकारीले जानकारी दिनुभयो ।
