चमत्कारफ्रान्समा जारी यूरोकप फुटबलमा वेल्स सेमिफाइनल प्रबेश गरेको छ । बेल्जियमलाई ३–१ ले पराजित गर्दै पहिलो पटक यूरो कप खेलिरहेको वेल्स सेमिफाइनलमा प्रवेश गरेको हो । ५८ वर्षपछि प्रमुख प्रतियोगितामा फर्किएको वेल्स कुनै पनि मुख्य प्रतियोगिताको अन्तिम चारमा पहिलो पटक प्रवेश गरेको हो ।

वेल्सलाई ऐतिहासिक जित दिलाउन खेलमा कप्तान अस्ली विलियम्स, कानु र भोक्सले १–१ गोल गरे । खेलमा अग्रता भने बेल्जियमले लिएको थियो । ५८ वर्षअघि विश्वकप फुटबलको क्वाटरफाइनलमा ब्राजिलसँग पराजित भएको वेल्स त्यसएता प्रमुख प्रतियोगितामा फर्कन सकेको थिएन । ग्यारेथ बेल प्रेरित वेल्सले सेमिफाइनलमा क्रिस्टियानो रोनाल्डो नेतृत्वको पोर्चुगलको सामना गर्ने छ ।

युरोकप फुटबलअन्तर्गत तेस्रो क्वारफाइनलमा शनिबार राति जर्मनी र इटाली भिड्दै छन् । खेल नेपाली समय अनुसार राति पौने १ बजे सुरु हुने छ । अहिलेसम्म कुनै पनि मुख्य प्रतियोगितामा इटालीलाई पराजित गर्न नसकेको जर्मनी आज इतिहास रच्दै अघिल्लो संस्करणको यूरो कप फुटबलको सेमिफाइनलमा भोगेको हारको बदला लिने दाउमा छ । उता प्रि–क्वाटरफाइनलमा साविक बिजेता स्पेनलाई हराएर हौसिएको इटाली शनिबार पनि सोहीस्तरको प्रदर्शन गर्दै अगाडि बढ्ने योजनामा छ ।