अमेरिकामा गोली हानी तीन प्रहरीको हत्या
अमेरिकाको लुइजियानामा एक व्यक्तिले गोली हानी तीन जना प्रहरी अधिकारीको हत्या गरेका छन् ।
लुइजियाना राज्यको राजधानी बाटन रुजमा आक्रमणकारीले अन्धाधुन्ध गोली चलाउँदा अन्य तीन प्रहरी अधिकारी घाइते भएका छन् । घाइते मध्ये एक जनाको अवस्था गम्भीर छ । अन्धाधुन्ध गोली चलाउने आक्रमणकारीको प्रहरीको कारबाहीको क्रममा मृत्यु भएको छ ।
यसैबीच अमेरिकी राष्ट्रपति बाराक ओबामाले घटनाको निन्दा गर्नुभएको छ । उहाँले प्रहरी अधिकारीमाथि भएको आक्रमण निकै कायर रहेको बताउनुभयो । प्रहरीमाथि भइरहेका आक्रमणलाई कुनै पनि हालतमा तर्कसंगत मान्न नसकिने र यस्तो आक्रमण गर्नेले कसैको पनि प्रतिनिधित्व नगर्ने उहाँको भनाई छ ।
