इमिरेट्स एयरलाइन्सको विमान दुवई एयरपोर्टमा दुर्घटनाग्रस्त भएको छ । २७५ यात्रु र चालकदलका सदस्य रहेको जहाजमा दुवई एयरपोर्टमा आकस्मिक अवतरण गर्नुअघि बुधबार आगो लागेको हो । इमिरेट्सको बोइङ ७७७ बिमान स्थानीय समय अनुसार बुधबार दिउँसो पौने १ बजे दुवई एयरपोर्टमा ल्याण्ड गरे लगत्तै विमानस्थलको आकाशमा बाक्लो कालो धुवाँ मडारिएको थियो ।

भारतको केरलास्थित त्रिभेन्द्रम एयरपोर्टबाट उडान भरेको विमानको ल्याण्डिङ गियरले काम नगरेको अन्तर्राष्ट्रिय सञ्चारमाध्यमहरुले जनाएका छन् ।

यद्यपी सबै यात्रुलाई सकुशल बाहिर निकालिएको थियो । दुवईको सरकारी सञ्चारमाध्यमका अनुसार कुनै पनि यात्रुहरु घाइतेसमेत भएका छैनन् ।

दुवई बिमानस्थलका सबै उडान तथा अवतरण अनिश्चित समयका लागि बन्द गरिएको छ ।