तुलसा र आकाशचन्द्र तेक्वान्दोका उत्कृष्ट वर्ष खेलाडी घोषित
नेपाल अन्तर्राष्ट्रिय तेक्वान्दो महासंघ (नेपाल आइटिएफ)ले तुलसा थापा मगर र आकाशचन्द्र घर्ती मगरलाई उत्कृष्ट वर्ष खेलाडी घोषित गरेको छ ।
काठमाडौंको त्रिपुरेश्वरस्थित वल्र्ड ट्रेर्ड सेन्टरमा भएको शनिबार भएको १९औं वार्षिकोत्सवको अवसरमा उनीहरुलाई अवार्ड प्रदान गरेको हो । त्यस्तै वर्ष प्रशिक्षकमा बासुदेब भट्ट चुनिए ।
तिनै जनाले नगद पुरस्कार पाए । प्रशिक्षणतर्फ उत्कृष्ट जिल्लाको उपाधि काभ्रेले पायो । नेपाली कांग्रेसका नेता अर्जुननरसिंह केसीले खेलाडी तथा प्रशिक्षकलाई सम्मान गरेका थिए ।
