हिट चरणमा सफलता पाएपनि गौरिका पौडीको व्याकस्ट्रोकको स्पर्धा दौडबाट बाहिरिएकी छिन् । हिट नम्वर वानमा समाओ र कोसोभोकी खेलाडीसँग प्रतिस्पर्धा गरेकी गौरिकाले बनाएको राष्ट्रिय कीर्तिमान समेत पछ्याउन सकिनन् । हिट वानमा प्रतिस्पर्धा गरेकी गौरिका तीन खेलाडी मध्ये पहिलो स्थानमा भने रहेकी थिइन् । ओलम्पिकमा चर्चाको केन्द्रमा रहेकी उनले १ मिनेट ८।४५ सेकेण्डको समय निकालिन्। यसअघि उनको १ मिनेट ७।३१ सेकेण्डको राष्ट्रिय कीर्तिमान थियो। हिट वानमा समाओकी अफोअ १ मिनेट ८।७४ सेकेण्डका साथ दोस्रो तथा कोसोभाकी रिता जेकिरी १ मिनेट १२।३१ सेकेण्डका साथ तेस्रो स्थानमा रहिन्। कुल ३४ खेलाडीले प्रतिस्पर्धा गरेको यस स्पर्धामा नेपालकी गौरिका समग्रमा ३१ औं स्थानमा रहिन्। उनीभन्दा पछाडि उनकै हिटमा स्विम गरेकी समाओ र कोसोभोका साथै केन्याका खेलाडी मात्र रहिन्।