थाइल्यान्डका विभिन्न स्थानमा भएका शृङ्खलाबद्ध विस्फोटमा ४ जनाको मृत्यु भएको छ ।

पर्यटकीय शहर ह्वा हिनलगायतका क्षेत्रमा गराइएका शृङ्खलाबद्ध विस्फोटमा उनीहरुको मृत्यु भएको हो । चर्चित ह्वा हिन रिसोर्टमा गराइएको विस्फोटमा दुई जनाको मृत्यु भएको छ । घटनामा विदेशी पर्यटकसहित कयौं घाइते भएका छन् ।

त्यसैगरी सुरत थानीमा भएको विस्फोटमा एक जना र ट्राङमा भएको विस्फोटमा अर्का एक जनाको मृत्यु भएको छ । त्यस्तै फुकेट आइसल्यान्डमा पनि विस्फोट भएको बताइएको छ । घटनामा केही घाइते भएका छन् । थाइल्यान्डका दक्षिणी तीन प्रान्तमा विस्फोटका घटना सामान्य जस्तै भए पनि यसअघि पर्यटकीय क्षेत्रमा भने आक्रमण हुने गरेका थिएनन् । विस्फोटको जिम्मेवारी कसैले लिएको छैन । घटनाबारे छानबिन भइरहेको अधिकारीहरुले जनाएका छन् ।