न्यूरोड टिम एनआरटी क्लबलाई पराजित गर्दै विभागीय टिम नेपाल आर्मी चितवनमा जारी चौथो नेपाल कप आमन्त्रण फुटबल प्रतियोगिताको फाइनलमा प्रवेश गरेको छ ।

शनिबार भएको सेमिफाइनलमा एनआरटीलाई ४–१ गोलको फराकिलो अन्तरले पराजित गर्दै आर्मीले फाइनल यात्रा तय गरेको हो । आर्मीका लागि हिरण्य गुरुङले पहिलो हाफको ३६ औं मिनेटमा, टेकबहादुर बुढाथोकी पहिलो हाफको इन्जुरी समयमा, भरत खवासले दोस्रो हाफको २० औं मिनेटमा र सन्तोष तामाङले दोस्रो हाफको २२ मिनेटमा गोल गरे ।

त्यस्तै एनआरटीका लागी वीरेन्द्र थापाले पहिलो हाफको २४ औं मिनेट सान्त्वना गोल गरेका थिए । आर्मीका हिरण्य मगर म्यान अफ दि म्याच घोषित भए । अब आर्मीले उपाधिका लागि नेपाल पुलिस क्लब र एपीएफ क्लबबीच आइतबार हुने खेलको बिजेतासँग खेल्ने छ । फाइनल साउन ३१ गने हुने छ ।