२३ वर्षे युवक मारिएपछि अमेरिकामा हिंसा भड्कियो
अमेरिकाको मिल्वाकीमा हतियारधारी २३ वर्षे युवक प्रहरी कारवाहीमा मारिएपछि हिंसा भड्किएको छ ।
प्रदर्शनका क्रममा शहरका विभिन्न क्षेत्रका भवन, पेट्रोल स्टेशन र सवारी साधनमा आगजनी गरिएको छ । कारमा रहेका ती युवकलाई प्रहरीले रोक्ने प्रयास गर्दा भागेपछि सुरक्षा कारवाहीमा उनी मारिएको मिल्वाकी प्रहरीले जनाएको छ ।
प्रहरीले मारिने व्यक्तिको पहिचान खुलाएको छैन भने उनलाई गोली हान्ने प्रहरी अधिकारीको नाम पनि गोप्य राखेको छ ।
अमेरिकामा पछिल्लो समय प्रहरी कारवाहीमा काला जातिका व्यक्ति मारिएपछि विरोध प्रदर्शन चर्किने गरेको छ ।
