अमेरिकामा विमान दुर्घटना हुँदा तीन दम्पत्तीको मृत्यु
अमेरिकामा एउटा विमान दुर्घटना हुँदा ६ जनाको मृत्यु भएको छ । अलाबामामा भएको उक्त सानो आकारको विमान दुर्घटनामा तीन दम्पत्ती परेका छन् ।
तुस्कालोसा विमानस्थलनजिकै उक्त विमान दुर्घटना भएको थियो । उनीहरु फ्लोरिडामा भएको डेन्टल कन्फेरेन्सबाट भाग लिएर फर्कदै गरेको बताइएको छ । जसमा दुई जना अक्सफोर्डका दन्त चिकित्सक रहेका थिए ।
दुर्घटनामा आमाबाबुको निधन भएपछि ११ जना बच्चा भने टुहुरा बनेको जनाइएको छ । विमानस्थल नजिकैको रुखमा ठोक्किएर दुर्घटना भएको बताइएको छ ।
