चलचित्र निर्माता रोज राणामाथि खुकुरी प्रहार गरेको आरोपमा प्रहरीले दुई जनालाई पक्राउ गरेको छ ।

राणामाथि खुकुरी प्रहार गरेको आरोपमा प्रहरीले मोटे भन्ने विवेचन प्रजापति र कटुन्जे भन्ने सूर्य लामालाई काठमाडौंबाट पक्राउ गरेको छ

। प्रहरीले मोटे आक्रमणकारी र कटुन्जे सहयोगी भएको दाबी गरेको छ ।

राणामाथि गत ३१ गते काठमाडौंको पुरानोबानेश्वरमा खुकुरी प्रहार भएको थियो ।

राणामाथि आक्रमण गर्ने मुख्य योजनाकार जोधा भन्ने रत्नबहादुरलाा भने फरार छन् ।

भारतमा बस्दै आएका जोधाले रोजमाथि अक्रमण गर्ने योजना पहिले नै बनाएका थिए । तीन महिना पहिले नै मोटेलाई सिलगुडी बोलाएर रोजमाथि आक्रमण गर्न भन्दै ५० हजार भारु पेस्की दिएका थिए । हालै नेपाल आएका उनले थप ३० हजार दिएका थिए ।
साथै काम सम्पन्न भएपछि ३० लाख दिने र भविश्यमा पनि सहयोग लिने बचन दिएको प्रहरी अनुसन्धानबाट खुलेको छ ।