अमेरिकी राष्ट्रपतिका उम्मेदवार डोनाल्ड ट्रम्प काला समुदायसँग भोट माग्न व्यस्त
अमेरिकामा रिपब्लिकन पार्टीका राष्ट्रपति उम्मेदवार डोनाल्ड ट्रम्पले काला समुदायका मतदाताहरुसँग प्रत्यक्ष रुपमा मत माग्नुभएको छ ।
मिचिगनमा लगभग सबै गोला जातिका दर्शक माझ सम्बोधन गर्दै ट्रम्पले काला समुदायका मतदाता गरिबीमा बाँचिरहेको र उनीहरु पढ्ने विद्यालय पनि राम्रो नभएको बताउनुभयो ।
काला समुदायका लागि डेमोक्रेट्स्ले केही गर्न नसकेको भन्दै आफूले अवसर सिर्जना गर्ने प्रतिबद्धता व्यक्त गर्नुभयो । डेमोक्रेटिक पार्टीका उम्मेदवार हिलारी क्लिन्टनले वेरोजगार काला युवकलाई भन्दा बरु शरणार्थीलाई काम दिने दाबी गर्दै काला जातिका वेरोजगार युवकहरु आफ्नै मुलुकमा शरणार्थी बनेको बताउनुभयो ।
यता क्लिन्टनले भने ट्रम्प विचलित बनेको आरोप लगाउनुभएको छ ।
