चार वटा पखेंटा भएको ड्रोन ललितपुर प्रहरीको नियन्त्रणमा, एक जना पक्राउ
ललितपुर प्रहरीले आकाशमा उडाइरहेको ड्रोनसहित एक जनालाई पक्राउ गरेको छ ।
सानेपामा आकाशमा उडाइरहेको ड्रोनसहित प्रहरीले काठमाडौंको गोकर्णेश्वर–१३ का ३२ वर्षीय सगुन शेर्पालाई नियन्त्रणमा लिएको हो । इन्टरनेसनल क्लबमा बजाज मोटरसाइकलको रियालिटी शो सुटिङ भइरहेको अवस्थामा प्रहरीले ड्रोन नियन्त्रणमा लिएको हो ।
नियन्त्रणमा लिइएको सेतो रंगको ड्रोनमा चार वटा पखेटा छन् । प्रहरीले थप कारबाहीमा लागि नागरिक उड्ययन प्राधिकरणमा पठाएको छ । अत्यावश्यक प्रयोजनका लागि प्रमुख जिल्ला अधिकारीको अनुमति लिएर मात्र ड्रोन उडाउन पाइने नियम छ ।
