अत्याधुनिक हतियारसहित जुम्लामा पाँच जना पक्राउ
विकट कर्णालीको जुम्लामा अत्याधुनिक हतियारसहित ५ जनालाई प्रहरीले पक्राउ गरेको छ ।
जुम्लाको बुम्रमाडी चौरबाट एकथान चाइनिज पेस्तोल र त्यसको गोली ३ राउण्ड, एकथान आधुनिक एसएमजि र ७ राउण्ड गोलीसहित ५ जनालाई पक्राउ गरिएको जिल्ला प्रहरी कार्यालयले जनाएको छ ।
लुटपाटका घटना बढ्न थालेपछि प्रहरीले एक महिनादेखि गस्ती बढाएको थियो । गस्तीका क्रममा प्रहरीले अत्याधुनिक हतियारसहित पाँच जनालाई पक्राउ गरेको हो । उनीहरुमाथि थप अनुसन्धान भइरहेको प्रहरीले जनाएको छ । प्रहरीले गाउँमा थप हतियार हुनसक्ने आशंकासमेत गरेको छ ।
