व्यवसायीलाई धम्की दिएर रकम असुल गर्न खोजेको आरोपमा पक्राउ परेका पूर्वमन्त्री श्यामसुन्दर गुप्तालाई सहयोग गरेको आरोपमा नेपाल प्रहरीका एक जना निरीक्षक पक्राउ परेका छन् ।

ललितपुर भैंसेपाटी प्रभागका प्रहरी निरीक्षक अनिल पण्डितलाई प्रहरी परिसर ललितपुरको टोलीले पक्राउ गरेको हो ।

प्रहरी निक्षिक पण्डितले सहयोग गरेबापत गुप्तासँग ५० लाख रुपैयाँ मागेको आरोप प्रहरीले जनाएको छ । त्यसबापत ७५ हजार लिइसकेको पनि अनुसन्धान खुलेको प्रहरीले जनाएको छ ।

करिब ५ महिना अगाडि भैंसेपाटी प्रभागको नेतृत्व गर्न पुगेका प्रहरी निरीक्षक पण्डितको लामो समयदेखि गुप्तासँग सम्बन्ध रहेको पबताइएको छ ।

आफनै श्रीमती हत्याको आरोपमा जेल सजायँ काटिरहेका सशस्त्र प्रहरीका पूर्व डिआइजी रञ्जन कोइरालाकी प्रेमीका भनिएकी तारा रेग्मीलाई धम्क्याएको आरोपमा गुप्ता पक्राउ परेका हुन् ।