सिड्नीको क्याम्सीमा सञ्चालित ग्लोबल एजुकेशनल ईन्ष्टिच्युट जीईआई कलेजलाई यस वर्षको एजुकेशन सर्भिसेज विधामा क्यान्टबरी लोकल विजनेस एवार्ड प्रदान गरिएको छ । कलेजका निर्देशक सन्तेष पाठक र प्रशासन प्रमुख समिक्षा पाठकलाई एवार्ड हस्तान्तरण गरिएको थियो । एमएनटीभीसँग कुरा गर्दै निर्देशक पाठकले यो अष्ट्रेलियामा व्यवसाय गरिरहने नेपालीहरुको लागि खुशीको कुरा भएको बताएका छन् । उनले भने, “म यो एवार्ड नेपाली समूदायमा समर्पित गर्न चाहन्छु । समूदायको सहयोग र विश्वासले नै यो सफलता हात लागेको हो । यसका लागि भोट दिनुहुने सबै नेपाली समूदायका सदस्यहरुलाई हार्दिक धन्यवाद ज्ञापन गर्न चाहन्छु ।” एवार्डका लागि अन्य अष्ट्रेलियन कम्पनीहरुसँगको प्रतिस्पर्धामा नेपाली कलेजले एवार्ड पाउनु नेपालीको लागि गौरवको विषय भएको निर्देशक पाठकले बताए ।