संयुक्त राष्ट्र संघका महासचिव बान कि मुनले नागरिकको हत्या बन्द गर्न सिरियाली सरकारको ध्यानाकर्षण गराउनुभएको छ ।

संयुक्त राष्ट्रसंघ महासभाको उद्घाटन सत्रलाई सम्बोधन गर्दै महासचिव मुनले सिरियाली सरकारले आफनै नागरिकको हत्या गरिरहेको जिकीर गर्दै तत्काल युद्ध रोक्न अपील गर्नुभएको हो । उहाँले पाँच वर्षदेखि जारी सशस्त्र हिंसामा आम नागरिक मारिएको भन्दै मुनले यसमा राष्ट्रपति बसर अल असद जिम्मेवार रहेको बताउनुभयो ।

यसैगरी, अमेरिकी राष्ट्रपति बाराक ओबामाले महासभालाई सम्बोधन गर्दै बिश्वका सबै राष्ट्रलाई एकजुट हुन अपील गर्दै संरक्षणवाद र अलगवादलाई त्यागी समान साझेदारीको भूमिका निर्वाह गर्न अपील गर्नुभयो । उहाँले विश्वका धेरै राष्ट्रको चुनौती शरणार्थी पनि भएकाले शरणार्थीहरुका लागि सहयोगी हातअघि बढ्नुपर्ने बताए ।

अमेरिकामा राष्ट्रसंघको महासभा जारी छ । जसमा विश्वभरका सरकारका प्रतिनिधिहरु सहभागी छन् ।