इङ्लिस लिग कप फुटबल प्रतियोगिताको चोथो चरणमा म्यानचेस्टर युनाईटेड र म्यानचेस्टर सिटी भिड्ने भएका छन् ।

तेस्रो चरणका खेलहरुमा विजयी हुँदै जोजे मौरीन्होको म्यान्चेस्टर युनाईटेड र पेप ग्वार्डीयोलाको म्यान्चेस्टर सिटीले सनसनीपूर्ण भिडन्त तय गरेका हुन् । बुधबार निकालिएको खेल तालिका अनुसार लण्डन क्लव चेल्सीले आफ्नै शहरको प्रतिद्वन्द्वी वेष्ट ह्याम युनाईटेडसँग खेल्नेछ । यसैगरी लिभरपुलले टोटनह्याम हट्सपरसँग खेल्दा आर्सनल र रिडिङ भिड्नेछन् ।

बुधबार राति भएको तेस्रो चरणको खेलमा म्यानचेस्टर युनाईटेडले नर्थह्याम्पटन टाउनलाई ३–१ ले हरायो । म्यानयुका लागि माईकल क्यारीक, एण्डर हरेरा र मार्कस रास्फोर्डले एक–एक गोल गरे । तेस्रो चरणकै अर्को खेलमा म्यानचेस्टर सिटीले स्वान्सी सिटीलाई २–१ ले हरायो । म्यान सिटीको जितमा गेईल क्लीसी र अलेक्स गार्सीयाले एक–एक गोल गरे ।

बुधबार राति नै भएको अर्को खेलमा टोटनह्याम हट्सपरले गिलिङ्घमलाई ५–० ले हराउँदा हल सिटीले स्टोक सिटीलाई २÷१ ले पराजित ग¥यो । लिग कप फुटबल तेस्रो चरणका अन्य खेलहरुमा विजयी हुँदै सण्डरल्याण्ड, साउथह्याम्पटन, वेष्ट ह्याम युनाईटेड र ब्रिस्टोल सिटी पनि चौथो चरणमा प्रवेश गरेका छन् ।