अमेरिकाको एक सपिङ मलमा गोली हानी चार जनाको हत्या
अमेरिकाको वासिंगटनस्थित एक सपिङ मलमा अज्ञात बन्दुकधारीले गोली प्रहार गरी चार जनाको हत्या गरेको छ ।
घटनामा थुप्रै घाईते भएका छन् । वासिंगटनको बर्लिंगटनस्थित सपिङ मलमा प्रवेश गरेका बन्दुकधारीले अन्धाधुन्ध गोली प्रहार गरी उनीहरुको हत्या गरेको हो ।
हत्यारा भने फरार रहेकाले खोजी भइरहेको अमेरिकी अधिकारीहरुले जनाएका छन् । प्रत्यक्षदर्शीहरुका अनुसार बन्दुकधारी लेटिन अमेरिकी रहेको बताइन्छ ।
केही दिनअघि अमेरिकाको सियाटल शहरमा गरिएको आक्रमणमा पनि दुई जना घाईते भएका थिए ।
