एलेप्पो शहरस्थित ट्रमा अस्पताल बन्द
सिरियाको एलेप्पो शहरमा रहेको एक मात्र ट्रमा अस्पतालको सेवा बन्द भएको छ ।
रुसी र सिरियाली सेनाको पछिल्लो हवाई हमलाका कारण अस्पतालमा रहेको स्वास्थ्य उपकरण र जेनेरेटर नष्ट भएपछि अस्पताल बन्द गरिएको हो ।
अस्पताल बन्द गर्नुअघि अस्पतालमा रहेका बिरामी र आतंकवादी हमलामा घाइते भएकाहरुलाई अर्को अस्पतालमा सारिएको थियो ।
पछिल्लो समय रुसी र सिरियाली सेनाले गरेको बम आक्रमणमा अस्पतालका दुईजना कर्मचारी मारिनुका साथै १० जना घाइते भएका थिए । अस्पताल बन्द भएसँगै बर्षौदेखि युद्धको मारमा परेको सिरियाली जनता थप मारमा परेका छन् ।
