टुबोर्ग विकास रनिङ शिल्ड अन्तर्राष्ट्रिय आमन्त्रण नकआउट फुटबलमा चितवन–११ को विजयी शुरुआत
टुबोर्ग विकास रनिङ शिल्ड अन्तर्राष्ट्रिय आमन्त्रण नकआउट फुटबल प्रतियोगिता चितवनमा शुरु भएको छ ।
सोमबार शुरु भएको प्रतियोगितामा चितवन–११ ले विजयी सुरुआत गरेको छ ।
नारायणगढस्थित क्याम्पाचौरमा भएको उद्घाटन खेलमा हिमालयन युथ क्लब कैलालीलाई ‘ट्राइबेकर’मा ४–३ ले पराजित गर्दै चितवन–११ ले विजयी सुरुआत गरेको हो ।
निर्धारित ९० मिनेटको खेलमा १–१ गोलको बराबरी भएपछि सिधै टाइब्रेकरमा निर्णय भएको हो ।
प्रतियोगिताअन्तर्गत् मंगलबार सशस्त्र प्रहरी र सहारा क्लब पोखराबीचको खेल हुने छ । कात्तिक १४ गतेसम्म चल्ने प्रतियोगितामा भारतका तीनसहित १५ टोली सहभागी छन् । प्रतियोगिताको विजेताले तीन लाख तथा उपविजेताले डेढ लाख रुपैयाँ पुरस्कार पाउने छन् ।
