आगामी डिसेम्बर १७ तारिखका दिन मेलबर्नमा आयोजना हुन लागेको नेपाल महोत्सवमा सांस्कृतिक प्रस्तुतिसहित सहभागी हुन गैरआवासीय नेपाली संघ भिक्टोरिया राज्य समितिले आह्वान गरेको छ । विभिन्न विधामा सांस्कृतिक प्रस्तुति दिन पहिलो चरणको अडिसन सकिए पनि नृत्य, गीत र अन्य सांस्कृतिक प्रस्तुति मार्फत नेपाललाई चिनारी दिने काममा सहभागिता जनाउन अझै पनि कलाकारहरुलाई मौका रहेको एनआरएन अष्ट्रेलियाका उपाध्यक्ष एवं भिक्टोरिया संयोजक केशव कँडेलले जानकारी दिनुभयो । कँडेलका अनुसार नेपालका विभिन्न भाषाभाषी र संस्कृतिको प्रतिनिधित्व हुने गरी सहभागिता जनाउन सम्पर्क गर्न पनि कँडेलले आह्वान गर्नुभयो । मेलबर्नमा बस्ने गायक, नर्तक नर्तकी र अन्य सांस्कृतिक प्रस्तुति दिनेहरुले संयोजक सिर्जना रायमाझीलाई सम्पर्क गर्न सकिने अथवा पोष्टरमा दिइएको ईमेल ठेगानामा आफ्नो जिज्ञासा राख्न सकिने पनि एनआरएन भिक्टोरियाले जनाएको छ ।