प्रबासी नेपाली मन्च न्यूजिल्यान्डको प्रथम अधिबेसन नेकपा एमाले महासचिब ईश्वर पोखरेलको प्रमुख आतित्यतामा न्यूजिल्यान्डको टौरङामा सम्पन भयो। उक्त कार्यक्रम पूर्वपर्यटनमन्त्री आनन्द पोखेरेल बिशेष अतिथी तथा प्रबसी नेपाली मन्च, अस्ट्रेलियाका पूर्व अध्यक्ष डा. बिनोद श्रेष्ठको आतिथ्यमा भएको थियो। साथै एनआरएन न्यूजिल्याण्डका उपाध्यक्ष कमल वाइवा तथा स्थानिय सस्थाका अध्यक्ष रमेश गुरुङ लगायत ७० जना भन्दा बढी न्यूजिल्यान्डबासी नेपालीहरुको उपस्थिती रहेको थियो। सम्मेलनले १३ सदस्यिय प्रबासी नेपाली मन्च, न्यूजिल्यान्ड गठन गरेको छ । नवनिर्वाचित अध्यक्षमा आत्मराम खनाल छन् भने उपाध्यक्षमा रामराजा ओली र बुद्धीराम बन्जाडे, महासचिवमा प्रदिप रुपाखेती, कोषाध्यक्षमा भावना नेपाल रहेका छन् । यस्तै सदस्यहरुमा अनुराग सिलवाल, सञ्जय शान्ती सुबेदी, कुल्बिर गोले, बिशाल सापकोटा, अर्जुन लम्साल रहेका छन् भने तीन जना पछि सदस्य थपिनेछ । साथै नबनिर्बाचित प्रबासी नेपाली मन्च न्यूजिल्यान्डको आयोजनामा सोही दिन साझा अन्तर्कृया तथा शुभकामना आदानप्रदान कार्यक्रम सम्पन्न भएको छ ।