पूर्वप्रधानमन्त्री एवं जनशक्ति पार्टीका स.योजक डा. बाबुराम भट्टराईले प्रहरीले पक्राउ गरेर प्रहरी चौकीमा लाँदा आफुले पञ्चायतकालीन भूतको झल्को पाएको टिप्पणी गर्नुभएको छ । आफूले मागेको चुनाव चिन्ह नदिएको भन्दै निर्वाचन आयोगको कार्यालय घेर्न पुगेको नयाँशक्ति नेपाललगायत राजनीतिक दलका नेतालाई प्रहरीले नियन्त्रणमा लिएको छ । निषेधित क्षेत्रमा प्रदर्शन गरेको भन्दै प्रहरीले आयोग परिसरबाट नयाँ शक्तिका संयोजक एवम् पूर्वप्रधानमन्त्री डा बाबुराम भट्टराई, नेकपा ९क्रान्तिकारी माओवादी०का उपाध्यक्ष सिपी गजुरेल, सांसद गङ्गा चौधरीलगायतका नेतालाई नियन्त्रणमा लिएको हो । उहाँहरुलाई महानगरिय नगर प्रहरी कार्यालय भुकुटीमण्डपमा राखिएको छ ।

निषेधित क्षेत्र तोड्न खोजेकाले उहाँहरुलाई नियन्त्रणमा लिएको महानगरिय प्रहरी प्रभाग दरबारमार्गले जनाएको छ । पूर्वप्रधानमन्त्री डा भट्टराईका स्वकीय सचिव विश्वदिप पाण्डेले आयोग परिसरमा धर्नामा बसेका नेता तथा कार्यकर्तालाई प्रहरीले बिनाकारण नियन्त्रणमा लिएको आरोप लगाउनुभयो । आयोग परिसरमा प्रदर्शनकारी र प्रहरीबीच ठेलमठेल हुँदा केही प्रदर्शनकारी र केही प्रहरी सामान्य घाइते भएको प्रहरीले जनाएको छ । नयाँ शक्तिले आफूहरुलाई चुनाव चिन्ह ‘आँखा’ दिनुपर्ने माग गर्दै आएको छ । तर आयोगले भने संसद्मा रहेका दललाई वरियतामा अगाडि राखेर पहिले प्रयोग गर्दै चुनाव चिन्ह दिने र अन्यलाई भने आयोगले नै चुनाव चिन्ह दिने जनाउँदै आएको छ । यसैबीच, पूर्वप्रधानमन्त्री डा। बाबुराम भट्टराईले आफुहरुलाई किन पक्राउ गरेको हो कुनै पूर्जी पनि नदिई दुव्र्यवहार गर्दै प्रहरी चौकीबाट घिसारेर निकालेको आरोप लगाउनुभएको छ । प्रहरी हिरासतबाट निष्काशित हुने वित्तिकै एक कोणसभा आयोजना गर्दै भट्टराईले महिलाहरुलाई दुव्र्यवहार गर्ने र पुरुषहरुलाई जथाभावी कुटपिट गर्ने कार्य भएको भन्दै अझै पनि पञ्चायती भूत बाँकी नै रहेको पाएको बताउनुभयो । गणतन्त्रमा यस्तो नहुनुपर्ने हो । हामीलाई विधिको शासन चाहिएको हो । किन पक्राउ गरेको हो त्यसको जवाफ चाहिएको हो । तर, अहिले पनि पञ्चायतकै भूत जागेको रहेछ, प्रचण्डको सरकार हुँदा पनि प्रहरी प्रशासन परिवर्तन भएको रहेनछ ।