सोमबार १७ अप्रिलका दिन नयाँ वर्ष २०७४ को अवसर पारेर मेलबर्नमा बजाउँछ अष्ट्रेलिया २ कन्सर्ट आयोजना हुने भएको छ । नेप्ले ईभेन्टको आयोजनामा हुन लागेको यस कन्सर्टमा चर्चित गीत माया मेरी मायाका गायक सञ्ज्य श्रेष्ठका साथै हुक्का मेरो डल्ले डल्ले बोलको गीतबाट नेपाली पप संगीतमा छुट्टै पहिचान बनाउन सफल भएको व्याण्ड कर्मा व्याण्डको प्रस्तुति रहनेछ । स्थानीय क्राउन क्यासिनोको अत्याधुनिक क्राउन थेरापी हलमा हुने यो कन्सर्टमा मेलबर्नमा रहने नेपाली समूदायका सदस्यहरुले नयाँ वर्षलाई समेत स्वागत गर्न सक्नेछन् । नयाँ वर्ष २०७४ को अवसरमा आयोजना गरिएका कार्यक्रममध्ये सबैभन्दा व्यवस्थित र बृहद बनाउने नेप्ले ईभेन्टसका सञ्जयकुमार साहले एमएनटीभीलाई बताए । यसअघि सञ्जय श्रेष्ठ र कर्मा व्याण्डको टोलीले एडिलेड, ब्रिसबेन, सिड्नी लगायतका सहरमा आफ्नो प्रस्तुति दिइसकेका छन् ।