ईन्डियन प्रिमियर लिग आईपीएल क्रिकेटमा दिल्ली डेयरडेभिल्सबाट डेब्यु गरेका नेपाली राष्ट्रिय टोलीका लेग स्पिनर सन्दिप लामिछानेले पहिलो विकेट लिएपछि यसको खुशीइाली नेपालसम्मै देखिएको छ । उनले पहिलो खेलमै ओपनिङ बलिङ गरेका थिए । दिल्लीले दिएको १८२ रनको लक्ष्यसहित जवाफी ब्याटिङ गरिरहेको रोयल्स च्यालेन्जर्स बैंग्लोरबिरुद्ध सन्दिपले पहिलो ओभरको बलिङ गरेका हुन् । १० ओभरको क्षतिमा ९५ रन बनाएको रोयल्स च्यालेन्जर्सले १ सय ८१ रनको लक्ष्य पछ्याइरहेको छ। दिल्लीस्थित फिरोज साह कोट्ला क्रिकेट स्टेडियममा सन्दिपले पहिलो ओभरमा मात्र ६ रन दिएका छन् । आईपीएलको १२ औं खेलमा दिल्लीमा डेब्यु गर्न पाएका सन्दिपले ब्याटिङ गर्न भने पाएनन् । नेपाली यू – १९ टोलीका कप्तान समेत रहेका आईपीएल टोलीमा पर्ने पहिलो नेपाली खेलाडी हुन् । तर, आईपीएलको प्ले अफ सम्भावना सकिएपछि सन्दिपले दिल्लीबाट मौका पाएका हुन् ।