३३ किलो सुन तस्करी प्रकरणमा जेलिँदै ज्यान मार्ने अभियोगमा खोजी गरिएका गोरे भनिने चुडामणि उप्रेति पक्राउ परेका छन् । निजलाई आज एक पत्रकार सम्मेलन आयोजना गर्दै गृह मन्त्रालयको उच्चस्तरीय छानविन समितिले सार्वजनिक गर्ने क्रममा उनले अनौठो हर्कत देखाएका छन् । प्रहरीले उनको मुख छोपेर सार्वजनिक गर्न ल्याएपनि पत्रकारहरुले क्याप खोल्न भन्दा उनले पूरै मुख खोलेर अपशब्द समेत बोलेका थिए । निज चुणमणि उप्रेति काठमाडौंमा नै लुकेर बसेको भन्ने सुराकीका आधारमा प्रहरीले उनको घर क्षेत्रबाट पक्राउ गरेको गृह मन्त्रालयले जनाएको छ । यस घटनामा तीन जनाको ज्यान गएको छ भने प्रहरीको माथिल्लो तहका अधिकारी समेत पक्राउ परेका छन् । आज विहान करिब साँडे पाँच बजे उनलाई गौरीघाटबाट पक्राउ गरिएको प्रहरीले जनाएको छ । गौरीघाटमा पक्राउ गरेको भनिएपनि उनलाई भारतमा पक्राउ गरेर नेपाल ल्याइएको सरकारी उच्च श्रोतले जनाएको छ । निजले भाग्न खोजेको अवस्थामा ईन्काउन्टर समेत हुने अवस्था थियो, श्रोतले भन्यो । तर, पक्राउ परेपछि अनुसन्धानमा सहयोग गरेका कारण निजलाई अब अदालतमा पेश गरिने भएको छ ।