यतिबेला अष्ट्रेलियाको घरजग्गाको कारोबारमा केही मन्दी आएको छ । लगानीकर्ताहरुको लागि यो अवसर पनि हुनसक्छ र चुनौती पनि । विगत लामो समयदेखि घर खरिदका लागि ऋणको व्यवस्थापनमार्फत सहायता गर्दै आएको अजी फाईनान्स एण्ड होम लोन्सले यही कुरालाई ध्यानमा राखेर  सिड्नीसहित अष्ट्रेलियाका विभिन्न शहरमा जानकारीमूलक सेमिनार गर्ने भएको छ । सिड्नीमा आज साँझ ५ बजे पारमाटामा ईन्फर्मेसन सेसन हुनेछ भने ब्रिसबेनमा १८ जुनमा कार्यक्रम गरिनेछ । एक्स्पर्ट ग्रुप अन्तर्गतको अजी फाईनान्स एण्ड होम लोन्सले ब्रिसबेनमा एक्सपर्ट एजुकेशन एण्ड माईग्रेसन फेयरकै समयमा घर जग्गा खरिद गर्न ईच्छुक व्यक्तिहरुलाई जानकारी समेत दिनेछ । ब्रिसबेनको अजी फाईनान्सका प्रतिनिधि टिका सुवेदीका अनुसार पहिलो घर किन्नका लागि आवश्यक परामर्श, लगानीकर्ताहरुको लागि जानकारी, घर वा जग्गा खरिद गरिसकेकाहरुलाई रिफाईनान्सका साथै व्यवसायिक ऋण, व्यापारका लागि ऋणमा समेत उचित परामर्श प्रदान गरिनेछ । उक्त अवसरमा सहभागी हुनेहरुमध्ये केहीलाई ५ सय डलरको गिफ्ट भौचर पनि प्रदान गरिने भएको छ । सिड्नी ब्रिसबेनपछि यस्तो सेमिनार जुन २७ तारिखका दिन मेलबर्नमा हुनेछ भने २८ जुनमा एडिलेडमा कार्यक्रम गर्ने तयारी भएको कम्पनीका कन्सल्टेन्ट विष्णु हमालले एमएनटीभीलाई जानकारी दिनुभयो ।अजी फाईनान्स एण्ड होम लोन्सअष्ट्रेलियाका विभिन्न शहरमा कार्यालय रहेको पहिलो कम्पनी हो । अहिलेसम्म कम्पनीले सैयौं अष्ट्रेलियनहरुलाई सहायता र सेवा प्रदान गरिसकेको छ ।