काठमाडौंको गोँगबु बसपार्क क्षेत्रलाई व्यवस्थित गर्नका लागि स्थानीयबासी र प्रहरीले थालेको अपरेशनले परिणाम दिन थालेको छ । महानगरीय प्रहरी प्रभाव नयाँ बसपार्कबाट खटिएको टोलीले ५२ जना व्यक्तिलाई नियन्त्रणमा लिएको छ । तिमध्ये २० जना युवतीहरु रहेको र उनीहरु २० वर्षभन्दा कम उमेरका भएको प्रहरीले जनाएको छ । यस्तै ३२ जना पुरुषमा ५० वर्ष कटेका अधवैंसेहरु पनि रहेको पाइएको छ । यी व्यक्तिहरुलाई आपत्तिजनक अवस्थामा फेला पारिएको प्रहरीले जनाएको छ भने होटल र रेष्टुरेन्टमा आपत्तिजनक अवस्थामा उनीहरु भेटिएको दावी प्रहरीले गरेको छ । यसरी पक्राउ परेकाहरुलाई परिवारको जिम्मामा छोडिएको छ । आगामी दिनमा फेरि भेटिएमा सार्वजनिक अपराध मुद्दा अगाडि बढाउने तयारी पनि प्रहरीले गरेको छ ।