नेपाली फुटबलर सुलभ मास्केको गोल अष्ट्रेलियामा वर्षकै सर्वोत्कृष्ट गोल बन्न सफल
नेपाली फुटबल स्टार सुलभ मास्केले अष्ट्रेलियाको एफएफए कपमा गरेको गोल उत्कृष्ट गोलको सूचिमा सर्वोत्कृष्ट हुन पुगेको छ । दर्शकहरुको मतको आधारमा उनको गोललाई वर्षको उत्कृष्ट गोलको उपाधि दिइएको हो । 
अष्ट्रेलियाको फुटबल ईतिहासमै पहिलो पटक नेपाली फुटबलर पनि यो उत्कृष्ट गोलकर्ताको सूचिमा परेर विजयी हुन सफल भएका हुन् । यसअघि सुलभ मास्के नर्दन टेरेटोरीको प्रिमियर लिगमा सबैभन्दा बढी गोलकर्ताको उपाधि जित्न सफल भइसकेका छन् । उनले एकै प्रतियोगितामा १९ गोल गरेका थिए । अष्ट्रेलियामा रहेको नेपाली समूदायकालाई सुलभ मास्केलाई भोट गर्नका लागि एमएनटीभीले अभियान सञ्चालन गर्दै दर्शकहरुलाई आग्रह गरेको थियो ।
Watch the goal : https://www.foxsports.com.au/video/football/ffa-cup/great-goal-or-poor-keeping!692552
