नेपाली राष्ट्रिय टोलीका लेग स्पिनर सन्दीप लामिछानेले अष्ट्रेलियाको बिग बास लिगको डेब्यु खेलमै २ विकेट लिन सफल भएका छन । क्यानबेरामा सिड्नी थण्डरविरुद्ध डेब्यु गरेका सन्दीपले ४ ओभर बलिङ गर्दै ३६ रन खर्चेर २ विकेट लिएका हुन् । सन्दीपले पहिलो ओभरमा भने उत्कृष्ट बलिङ गर्दै २ विकेट लिएका थिए । किफायती बलिङ गरेका सन्दीपले पहिलो ओभरमा ३ रन खर्चेर २ विकेट लिएका छन् । सन्दीपले सिड्नी थण्डरका कप्तान शेन वाट्सनलाई दोस्रो बलमा २२ रनमा क्याच आउट गराए । यस्तै अन्तिम बलमा सन्दीपले कुलम फेर्गुसनलाई १५ रनमा आउट गरेका थिए ।
दोस्रो ओभरमा भने सन्दीपले ६ रन खर्चिए । यस्तै तेस्रो ओभरमा १३ रन खर्चेको सन्दीपले आफ्नो अन्तिम ओभरमा भने ८ रन खर्चिएका थिए । उनको खेल हेर्न क्यानबेरामा नेपाली समूदायका सदस्यहरु पुगेका थिए । सन्दिपको खेललाई अष्ट्रेलियाका मिडियाहरुले निकै महत्वका साथ विश्लेषण गरिरहेका छन् । अष्ट्रेलियाका मिडिया, खेल पारखीहरुले सन्दिपको खुलेर प्रशंसा गरेका छन् । कलिलै उमेरमा उनले देखाएको असाधारण खेल कौसलले नेपाल र नेपालीप्रति अष्ट्रेलियामा चासो बढाएको छ ।