अष्ट्रेलियाको मेलबर्नमा स्थापित यति फुटबल क्लबले आफ्नो छैठौं प्रिजेन्टेसन नाईट सम्पन्न गरेको छ । उक्त अवसरमा क्लबका साजन शर्मा यति क्लब पर्सन अफ दि ईयर घोषित भए । उनलाई क्लबको मुख्य प्रायोजक कँडेल कन्सल्टेन्सीका राज कँडेलले ट्रफी हस्तान्तरण गरे । यस्तै प्लेयर अफ द ईयरको उपाधि अनिल ओझाले हासिल गर्न सफल भए । स्थानीय ब्रन्सविकमा रहेको साईप्रस कम्युनिटी हलमा आयोजना गरिएको कार्यक्रममा क्लबका सदस्यहरु, शुभचिन्तक, प्रायोजकसहित अष्ट्रेलियाका सरकारी निकायका अधिकारीहरु समेतको उपस्थिति रहेको थियो । कार्यक्रममा विभिन्न सांस्कृतिक प्रस्तुतिहरु समेत समावेश गरिएको थियो । कार्यक्रमको सुरुवातमा क्लबका अध्यक्ष बाम गुरुङले सबैलाई स्वागत गरेका थिए भने प्रिजेन्टेसन साँझमा भिक्टोरियाका लागि नेपाली अवैतनिक महावाणिज्यदूत चन्द्र योन्जन पनि सहभागी थिए । यस्तै समूदायका अगुवा जोग लिम्बु, परशुराम शर्मा लुईटेल, अष्ट्रेलिया सरकारको तर्फबाट विभेदविरुद्धका कमिश्नर चिन टान पनि कार्यक्रममा सहभागी भएका थिए ।

कार्यक्रमका केही झलकहरु