यही जनवरी १८ तारिखका दिन सिड्नीमा एक्सपर्ट एजुकेसन एण्ड भिसा सर्भिसेजले एक्सपर्ट एजुकेशन एण्ड करिअर फेयर २०१९ आयोजना गर्ने भएको छ । शुक्रबारका दिन दिउँसो २ बजेपछि ५ बजेसम्म विभिन्न २० वटा युनिभर्सिटी र कलेजहरुको सहभागितामा फेयर हुन लागेको हो । एक्स्पर्टले हरेक वर्ष यस्तो एजुकेशन फेयर आफ्नै पहलमा सिड्नी लगायत अष्ट्रेलियाका विभिन्न शहरका साथै नेपालमा पनि गर्दै आएको छ ।

पछिल्लो समय भिसा लगायतका क्षेत्रमा भएका परिवर्तनका विषयमा जानकारी हासिल गर्न नाटी कोर्षको विषयमा जानकारी पाउन तथा भाषा प्रशिक्षण पिटीईका विषयमा थप जानकारी प्राप्त गर्न यो मेला अत्यन्तै लाभदायी हुने एक्सपर्टकी मार्केटिङ एण्ड कम्युनिकेशन संयोजक मेघा अमात्यले जानकारी दिइन् । मेघाका अनुसार करिअर फेयरमा सहभागी हुनेहरुका लागि पिटीईको मोक टेष्ट सित्तैमा दिइनेछ । एजुकेशन एण्ड करिअर फेयर एक्सपर्ट सिड्नीको सिटीस्थित क्लीयरेन्स स्ट्रीटमा रहेको कार्यालयमा आयोजना गरिनेछ । विश्वविद्यालय र कलेजका प्रतिनिधिहरु उपस्थित भएर परामर्श प्रदान गर्ने भएका कारण त्यहाँ नै छात्रवृत्ति समेत प्राप्त गर्न सकिने एक्सपर्टले जनाएको छ ।