हिमालय टाईगर्सको आयोजनामा मेलबर्नमा फुटसल र भलिबल प्रतियोगिता हुँदै
दि हिमालयन टाईगर्स क्लबको आयोजनामा अष्ट्रेलियाको मेलबर्नमा फुटसल र भलिबल प्रतियोगिता आयोजना हुने भएको छ । ७ जुलाई आईतबारबाट सुरु हुने प्रतियोगितामा फुटसलको उपाधि जित्ने टिमले एक हजार डलर पुरस्कार पाउनेछ । यस्तै भलिबलतर्फको विजेताले ५ सय डलर पुरस्कार प्राप्त गर्ने क्लबका अध्यक्ष सन्तोष पाण्डेले एमएनटीभीलाई बताए । नगद पुरस्कारसँगै ट्रफी, मेडलर समेत दिने आयोजकको तयारी छ । स्थानीय डरेबिन काउन्सिलको ग्राउन्ड ८५७ प्लेन्टी रोडमा प्रतियोगिता गरिनेछ । विहान ९ बजेदेखि साँझ ५ बजेसम्म सबै खेलहरु हुनेछन् । क्लबले पहिलो पटक आयोजना गर्न लागेको प्रतियोगितामा एएसीसी ग्लोबलले मुख्य प्रायोजन गरेको छ । 
