काठमाडौंको स्वयम्भूको पूर्वतर्फ बिजेश्वरी नजिकै गोली चलेको हो ।महानगरीय अपराध महाशाखाको टोलीले अपरेसनका क्रममा दुई राउण्ड गोली चलाएको हो । महानगरीय प्रहरी कार्यालय रानीपोखरीका एसएसपी श्याम ज्ञवालीले चलाएको पुष्टि गर्नुभयो । 

प्रहरीले गोली हानेर एकजनालाई नियन्त्रणमा लिएको छ। प्रहरी स्रोतका अनुसार लोप्चन भन्ने मिलन लामालाई प्रहरीले गोली हानेर नियन्त्रणमा लिएको हो ।

महानगरीय प्रहरी अपराध महाशाखाको अनुशार लामालाई पक्राउन गर्न खोज्दा प्रतिकार गरी भाग्न खोजेपछि गोली हानिएको हो । मिलन लामाको घुँडामुनि गोली हानेर उनलाई प्रहरीले नियन्त्रणमा लिएको छ । लामालाई समात्ने क्रममा प्रहरीले दुई गोली घुँडामुनि हानेको छ। घाइते भएका लामलाई प्रहरीले तत्कालै अस्पताल लगेको छ । उनी काठमाडौंका विभिन्न क्षेत्रमा अपराधिक क्रियाकलापमा संलग्न रहेको प्रहरीले जनाएको छ।