नेपाली राष्ट्रिय क्रिकेट टोलीका कप्तान पारस खड्काले युएईमा आयोजना हुने टि-१० लिग खेल्ने भएका छन् । पारसले टिम अबुधबीबाट टि(१० लिग खेल्न लागेका हुन् ।

नोभेम्बर १५ देखि २४ सम्म आयोजना हुने प्रतियोगिताको गत हफ्ता ड्राफ्ट सम्पन्न भएता पनि हाल आएर कप्तान पारसको नाम सार्वजनिक भएको हो । क्रिकेटिंग नेपालसँग कुरा गर्दै पारसले ड्राफ्ट अघि नै फ्रेन्चाइज टोलीले आफुलाई सम्पर्क गरेर अनुबन्ध गरिसकेको जनाए । पारसले १० हजार अमेरिकन डलर पारिश्रमिक पाउने पनि जनाए ।

पारसको टोलीमा मोएन अली, मोहम्मद आमिर, कोरे एन्डरसन, रोहण मुस्तफा, लुक राईट जस्ता खेलाडी रहेका छन् ।

यस अघि सम्पन्न अक्सनमा नेपाली रास्ट्रिय क्रिकेट टोलीका युवा लेग स्पिनर सन्दिप लामिछाने कर्नाटक टस्कर्सले आफ्नो टोलीमा समावेस गरेको थियो ।