विदेशमा बस्ने नेपालीहरुको लागि एउटा रोल मोडल बनेर उदाएकी छिन् गौरिका सिंह । उनले गौरिका सिंहले तेह्रौं दक्षिण एसियाली खेलकुद सागको पौडी विधामा तेस्रो स्वर्ण जितेकी छिन् । उनले पौडीको चारसय मिटर फ्रि स्टाइलमा भारतीय पौडीवाजलाई पराजित गर्दै स्वर्ण अफ्नो कब्जामा पारिन् ।
सातदोबाटोमा सम्पन्न महिला पौडीतर्फको चारसय मिटर फ्रि स्टाइलको दूरी गौरिकाले चार मिनेट २५ दशमलब २० सेकेण्डमा पुरा गरिन् । उनले भारतीय पौडीवाज शिवांगी शर्मालाई पराजित गरेकी थिइन् । शिवांगीले उक्त दूरी चार मिनेट २६ दशमलव २२ सेकेण्डमा पुरा गरिन् । उनले रजत पदकमा चित्त बुझाउनुपर्यो । बङ्गलादेशकी रमुदी सहाराले कास्य पदक जितिन् । यो उनको चौथो मेडल हो । जसमा उनले तीन वटा त गोल्ड मात्रै जितेकी छिन् । एकै प्रतियोगितामा तीन गोल्ड मेडल प्राप्त गर्ने एकमात्र खेलाडी गौरिका बनेकी छिन् । एनआरएनहरुको तर्फबाट उनले देशको लागि दिएको योगदान निकै नै प्रशंसनीय छ ।