काठमाडौं। भारत कोरोनाभाइरसको सङ्क्रमणबाट सबैभन्दा बढी प्रभावित हुने दश राष्ट्र अन्तगर्त परेको छ । आइतबार इरानलाई पछाडी पार्दै संक्रमित संख्याको आधारमा भारत विश्वको १० औं सर्वाधिक कोरोना संक्रमित भएको मुलुक बनेको हो।

भारतमा पछिल्लो एक साता यता दैनिक रुपमा छ हजारभन्दा बढी नयाँ सङ्क्रमित थपिदै आएका छन् । जोन्स हप्किन्स विश्वविद्यालयको तथ्यांक अनुसार भारतमा संक्रमित संख्या १ लाख ३८ हजार ५ सय ३६ पुगेको छ भने सोका कारण ज्यान गुमाउनेको संख्या ४ हजार २४ पुगेको छ।

भारतमा ७६ हजार ८२० जनामा कोरोनाभाइरसको सङ्क्रमण सक्रिय छन् । पछिल्लो चौबिस घण्टामा भारतमा कोरोना सङ्क्रमित १५३ जनाले ज्यान गुमाएका छन् । आईतबार १३४ जनाको मृत्यु दत्र्ता गरिएको थियो ।

पछिल्लो १३ दिनको अवधिमा मात्र संक्रमित संख्या दोब्बर भएको छ। आइतबार मात्र त्यहाँ ६ हजार ६ सय ३४ नयाँ संक्रमित फेला परेका छन्। पछिल्ला १० हजार संक्रमित दुई दिनको अवधि थपिएका हुन्। भारतमा पहिलो १० हजार संक्रमित ४३ दिनको अवधिमा भेटिएका थिए।

भारतमा पछिल्लो ५ दिनमा औसतमा ६ हजार १ सय २ का दरमा संक्रमित थपिदैं आएका छन्। आइतबार मात्रै राजधानी दिल्लीमा थप ५ सय ८ नयाँ संक्रमित पुष्टि भए। योसँगै राजधानी दिल्लीमा कुल संक्रमित संख्या १३ हजार ४ सय १८ पुगेको छ।

यसैगरी भारतको सबैभन्दा बढी प्रभावित राज्य महाराष्ट्रमा ५० हजार बढीमा संक्रमण पुष्टि भएको छ। आइतबार त्यहाँ ३ हजार ४१ नयाँ संक्रमित फेला परेका छन्। योसँगै महाराष्ट्रमा संक्रमितको कुल संख्या ५० हजार २ सय ३१ पुगेको छ।

भारतका विज्ञहरूले आगामी हप्ताहरुमा संक्रमित संख्या थप बढ्ने बताएका ‍छन्। त्यसैगरी अमेरिका, रुस, इटाली, स्पेन, फ्रान्स र ब्राजिल कोरोनाभाइरस सङ्क्रमणले सबैभन्दा बढी प्रभाबित राष्ट्रहरु हुन ।