धादिङमा पहिरोले पुरिएर एकजनाको मृत्यु !
धादिङमा पहिरोले पुरिएर एकजनाको मृत्यु भएको छ । थाक्रे गाउँपालिका–६ रानीबारी कार्कीगाउँका ५४ वर्षीय सानुबाबु पन्तको मृत्यु भएको हो । बिहीबार साँझदेखि परेको झरीले घरमाथि पहिरो खस्न थालेपछि सबैजना सुरक्षित ठाउँमा गएर बसेका थिए । सानुबाबुलाई भने गोठमा भएको भैंसी बाख्रा फुकाउन जाँदा शुक्रबार बिहान पहिरोले पुरेको स्थानीय हरि थापाले जानकारी दिए । धादिङमा पहिरोमा परेर मृत्यु हुनेको संख्या पाँच पुगेको छ ।
