जुवातास खेलिरहेको अवस्थामा माछापोखरीबाट एक लाख नगदसहित ९ जना पक्राउ !
जुवातास खेलिरहेको अवस्थामा माछापोखरीबाट एक लाख नगदसहित ९ जनालाई पक्राउ गरिएको छ । प्रहरीले जुवातास खेलिरहेका ९ जनालाई एक लाखभन्दा नगदसहित नियन्त्रणमा लिएको हो । काठमाडौं महानगरपालिका–१६ माछापोखरीस्थित गुल्मी गाउँपालिका–४ दिगाम घर भएका ३२ वर्षीय सुलभ न्यौपानेको सुलभ होटलमा जुवातास खेलिरहेको अवस्थामा न्यौपाने लगायत ९ जनालाई नगद १ लाख ३ हजार ८ सय ७५ रुपैयाँ र २ बुक ताससहित शुक्रबार दिउँसो प्रहरीले पक्राउ गरेको हो ।
उक्त होटलमा जुवातास खेलिरहेको भन्ने खबर प्राप्त हुनासाथ महानगरीय प्रहरी वृत्त बालाजुबाट खटिएको प्रहरीले उनीहरुलाई उक्त नगद सहित फेला पारी पक्राउ गरेको प्रहरीले जनाएको छ । यस सम्बन्धमा प्रहरीले थप अनुसन्धान गरिरहेको छ ।
