पहिरोले घर पुरिँदा कालीकोटमा ९ जनाको मृत्यु !
कालीकोटमा नरहरीनाथ गाउँपालिकामा बुधबार बिहान गएको पहिरोमा वडा नम्बर ७ का ७ जना र वडा नम्बर ४ का दुई जनाको ज्यान गएको कालीकोट प्रहरीले जानकारी दिएको छ।
नरहरीनाथ–७ का गंगे बुढाको घर पुरिँदा उनीसहित ६ जना पुरिएका थिए । पहिरोले घरसहित पुरिएका ६२ वर्षीय गंगे बुढा, उनकी श्रीमती ६१ वर्षीया नैनी बुढा, बुहारी २४ वर्षीया कुशा बुढा, नातिनी १० वर्षीया चन्द्रिका बुढा, ७ वर्षीय नाति राम बुढा र १८ महिने नाति चरित्र बुढाको ज्यान गएको हो ।
छोरी विमला बुढाको उपचारका क्रममा मृत्यु भएको हो । सोही गाउँपालिकाको वडा नम्बर ४ मा पनि पहिरामा परी दुई जनाको ज्यान गएको छ।
