विशेष सूचनाका आधारमा विराटनगर महानगरपालिका २, बरगाछी चोकबाट लागुऔषधका कारोबारी मोरङ सुन्दरहरैचा नगरपालिका ८ का ४२ वर्षीयको राजन भनिने रामप्रसाद पोखरेल पक्राउ गरेको छ ।

मोरङमा प्रहरीले नेपालका यसअघि बरामद नगरिएको तर विश्व बजारमा महँगो मूल्यमा किनबेच हुने लागुऔषधसहित एकजनालाई पक्राउ गरेको छ । ३७प ८३१६ नम्बरको मोटरसाइकलमा जाँचका क्रममा लागुऔषध नियन्त्रण ब्युरो विराटनगरको संयुक्त टोलीले पोखरेललाई नियन्त्रणमा लिएको हो । उनले झोलाबाट अवैध लागुऔषध मेथमफेटामाइन आइस २२२ ग्राम बरामद गरेको हो ।

प्रारम्भिक अनुसन्धानका क्रममा निजले आफ्नो घरमा समेत उक्त लागुऔषध रहेको जानकारी गराएका थिए । खानतलासी गर्दा घरको माथिल्लो तलामा कोठामा दुईवटा पोकामा थप ३०८ ग्राम मेथमफेटामाइन आइस बरामद भएको प्रहरीले जनाएको छ ।

पोखरेलको साथबाट जम्मा ५३० ग्राम लागुऔषध बरामद भएको जिल्ला प्रहरी कार्यालय मोरङले आज पत्रकार सम्मेलन गरी जानकारी गराएको हो ।