कालिकोटमा पहिरोले पुरिएर एकै परिवारका सातसहित ९ जनाको ज्यान गएको छ । मृत्यु हुनेमा एकै परिवारका सातजना र अन्य दुईजना रहेका छन् । मंगलबार राति नरहरिनाथ गाउँपालिकामा दुई ठाउँमा पहिरो जाँदा उनीहरुको मृत्यु भएको हो ।

मृत्यु हुनेहरुमा नरहरिनाथ–७ का ६२ वर्षका गंगे बुढा, ६१ वर्षकी नैना बुढा, २४ वर्षका कुशा बुढा, १० वर्षकी चन्द्रिका बुढा, सात वर्षका राम बुढा र डेढ वर्षका चरित्र बुढा छन् । यस्तै १८ वर्षकी बिमला बुढाको उपचारको क्रममा मृत्यु भएको हो ।

नरहरिनाथ नगरपालिका–४ मा पहिरोले घर पुरिँदा ६२ वर्षका बले बुढा र उनकी श्रीमती मन बुढाको मृत्यु भएको प्रहरीले जनाएको छ । सबैको शव पोस्टमार्टमका लागि अस्पताल लाने तयारी भइरहेको जिल्ला प्रहरी कार्यालय कालिकोटले जनाएको छ ।